veurstellingen – Kunst en Vermaak Posterholt

EN GRIEKSE TRAGEDIE 2025

18 december, 2025 Geen reacties

EIN GRIEKSE TRAGEDIE – 2025

Peter van Houten, fabrikant van boerejongens, en zien vrouw verwachte hoog bezeuk. Namelijk de grotste roziene-exporteur van Griekelandj!

Alles weurd in gereidheid gebrach veur ein werm welkom. Zelfs dochter Chantal belaof mit te wirke, dit toet groot genoege van pap en mam. Die zeen namelijk de leefde tusje heur en postbode Klaas, absoluut neet zitte en haope noe sjtilkes op ein euversjpringend vunkske tusje de Griekse exporteur en heur Chantal.

Chantal en Klaas hubbe echter anger planne… Es ein nuujsjierige buurvrouw en Tante Corry zich d’r dan auch nog mit gaon bemeuje, is eine aovend sjpas gegarandeerd!

Regie: Cor Bastiaans en Erik Derikx
Auteur: Ria de Looze – Lafeber
Origineel: “Een Griekse tragedie”

Sjpelers:
Perry Heijnen es Peter van Houten
Angelique Ohlenforst es Hilde van Houten
Daniëlle Roncken es Chantal van Houten
Job Derix es posbode Klaas
Henny Schmitz es sjoonzus Corry
Truus Cabollet es buurvrouw Betty
Hans Geraeds es Lamenopoulos
Ina Toutenhoofd es taxichauffeur

HOGE NOOD 2024

18 december, 2024 Geen reacties

2024

HOGE NOOD

Opa is op vriejersvoot. Mer dan waal op bloote, want d’r zeen allein nog zien sjoonzaole gevonje. Althans det kump de plisie de femilie vertille.

De ganse buurt zit zonger leech want opa haet ein elektriciteitshuuske aangezeen veur eine pisbak. De verzekering dekt de sjaaj, mer allein es opa neet meer in laeve is.

Dus mot de femilie opa, es dae weer doodleuk aangewanjeld kump, binne haaje. Mer det is gemekkelijker gezag dan gedaon…

Regie: Cor Bastiaans
Auteur: Peter Eckerhardt
Origineel: “Hoogspanning levensgevaarlijk”

Sjpelers:

Hans Geraeds: Herman Meeuwissen
Henny Schmitz: annie Meeuwissen
Daniëlle Rocken: Chantal Meeuwissen
Job Derix : Niek Meeuwissen
Tessa Reinders: Kim Meeuwissen
Ger Rocken: Opa nelis Schmitz
Ina Toutenhoofd Mientje Essers
Patrick Joris Karel Keerens
Truus Cabollet Mr. Els Hiddema

TUSJE TWEE VUURE 2023

18 december, 2023 Geen reacties

2023

TUSJE TWEE VUURE

Wèn Gerard zien vrouw een wiekendje nao häör mooder geit, neudigt hae zien maîtresse oet veur eine romantiese aovend.

Toetdet Dorien onverwach besjlis om tóch mer heim te blieve…….

Vrundj Rob krieg ut d’r érg lestig mit……

Regie: Cor Bastiaans

uitvoering december 2023

Gerard: Patrick Joris
Dorien (zien vrouw) Ina Toutenhoofd
Rob: (ziene vrundj) Job Derix
Suzette: Tessa Reinders
Suzan: Daniëlle Roncken
Sjors: Hans Geraeds

DE ONGERHUURDER 2022

18 december, 2022 Geen reacties

De Ongerhuurder 2022

Dit toneelsjtuk drèjt om ein paar nuujsjierige buurvrouwe.
Mevrouw Kakelbond haet namelik ein kamer verhuurd aan eine jongeman, mèr néémes wit wat dae de ganse daag duit! D’r gaon allerlei verhaole rondj euver dae ‘geheimzinnige’ ongerhuurder en euver ’t bezeuk wat biej ‘m kömp. Mèr d’r zeen d’r nog méér die get te verberge höbbe…

Regie: Cor Bastiaans
Regie-assistente: Angelique Ohlenforst
auteur: W. Schubert
Origineel: “Der Möblierter Herr”

DE ZEVENDE ZUNJ 2019

18 december, 2019 Geen reacties

De zevende Zunj 2019.

Jos verschijnt aan de hemelpoort nadat hij tijdens het plegen  van overspel op een nogal domme manier om het leven is gekomen.  In de gerechtszaal aan de hemelpoort passeert zijn losbandig leven de  revue in een proces waarin zijn eigen schoonmoeder als openbaar  aanklager fungeert.  Als hij op het einde van zijn proces naar de hel wordt verbannen, wordt hij  echter badend in het zweet wakker. Het was gelukkig maar een droom …  of toch neet …?.

Regie: Cor Bastiaans
auteur: P. Anrys
Origineel: “De zevende zonde”

NEET PIET MER PIZZA 2018

18 december, 2018 Geen reacties

Neet piet maar pizza 2018.

Bep en Piet winne 50.000 euro in de laoterie.
Ze besjloete dit geldj te gebroeke om de sjlechloupende pizzeria op te knappe, ondanks det Rietje, ’t zuster van Bep, nog zo’n zelfde bedraag van häör tegooi haet.
Mèr ja, Rietje woont mit ziene vrundj wied weg in Griekelandj en weigert ilk kontak mit Bep zolang det mit Piet getrouwd is. Tot det ‘t haet geheurd det Piet weg is biej Bep…

Regie: Tilly Agouzoul
auteur: W. Renes-Leertouwer
Origineel: “Geen Piet, maar Pizza”

‘T WONJER VAN POSTERT 2017

18 december, 2017 Geen reacties

’t Wonjer van Postert 2017.

In Postert waas vreuger alles good en idderein waas tevreje, mèr ’t dörp is vergries…. Jong luuj trikke weg en gaon in de sjtad wone.
Café’s en winkels zeen gesjlaote en de kirk is tegewoordig akelig laeg. Zelfs oppe leegere sjool zeen bao gein kinjer meer.
In ’t innige, nog aope café “De Hèl” waerd hiej euver gesjpraoke door kastelein Lei, sjoolmeister Herman en de vrouwelikke köster.
Ze zeen ’t d’r euver ins det d’r get mot gebeure in Postert!
En ….. ’t gebeurt auch! Es door ein wonjer kömp ’t dörp weer toet laeve.
Wie?….. Wat?……Wiezo?
Kiek, geneet en maak ’t zelf mit!

‘t Wonjer van Postert!

Regie: Tilly Agouzoul
auteur:
Origineel:

JAGE WAERD KLAGE 2016

18 december, 2016 Geen reacties

Jage waerd klage 2016.

Zowie iddere zónjigmorge geit Ruud vusje. Auch deze zónjigmorge kömp hae mit forelle heim, zónger det hae d’r aan gedach haet det ’t mooderdaag is én ziene trouwdaag mit Gerda. In plaats van kedoos verrasj dochter Tina zien mam mit voel wesj en zoon Simon kömp heim mit te wesje tenues van de voetbalclub.

Herman, de inwonende broor van Ruud, dink allein mèr aan jage, aete en drinke. Ut is eine valsje haop van Gerda det d’r auch mèr éine is dae häör fillesiteerd. De innige wat häör begriep is häör vriendin Suzan.

Mèr noe is ‘t genog. Zie pakt häör sjpulle en gunt zichzelf ein vekansie. Ze motte ‘t zelf mèr oetzeuke! Dit maak Ruud en Herman totaal nieks oet en ze geniete volop in ein Italiaanse nachclub en neudige de dames zelfs oet biej häör heim, wo ut ongertusje eine grote puinhaop is gewaore.

Om die Italiaanse dames te kinne ontvange mot Ruud d’r veur zorge det zien kinjer én de nuuje vrundj van Tina, veur korte tied oet hoes verdwiene, mèr toet euvermaat van ramp kömp zien sjoonmooder auch nog op bezeuk!

De probleme sjtapele zich op…….

Regie: Tilly Agouzoul
auteur: B. Gombold
Origineel:

DOON NEET ZO ONNEUZEL 2015

18 december, 2015 Geen reacties

Doon neet zo onneuzel 2015.

Opa Vonk kin neet langer in zien hoes blieve woone. Teminste, det vinge zien drie kinjer.

Mer omdet opa weigert om nao ut bejaardehoes in Berg te gaon, waerd d’r boewte ziene wil om ein advertensie geplaats veur ein hoeshàwtster.

Kort nao-ein komme ein paar zeer versjillende sollicitante op bezeuk: Mandy, ein flot dingk wat neet gaer wirk, dan de Roemeense Esmeralda mit de zörg veur eine ganse houp kinjer en de àwwere kordate Mariet Coenen.

In die lètste zeen de kinjer waal get.

Opa is echter neet van plan zich zônger sjlaag of sjtoot euver te gaeve…

Regie: Tilly Agouzoul
auteur: U. Kling
Origineel:

DE HEKSEHAOF 2014

18 december, 2014 Geen reacties

De Heksehaof 2014.

‘t Is in ‘t jaor 1932 ……..
Es d’r op de boerderie van Piërre Smeets onverklaorbare en tragiese gebeurtenisse
plaatsvinge, leet de goodgeluivige boer zich door zien biejgeluivige hoeshàwtster Martha
aankalle, det ziene haof beheks is.
Om ein inj te maake aan dees taegesjlaeg, mot hae de heks, wat de haof vervlookt haet,
ontmaskere en oetdrieve.
De zogenaamde magiedeskundige Triena beejt häör hulp aan.
Mer Martha en Triena sjtreeve häör eige belange nao en daorom besjuljige zie de knech Sjang.
Sjang is namelik al lang ein bron van ergernis veur Martha en zo probeert het van hem aaf te komme.
Triena hilt sjtiekem saame mit Bertus Kamerman. Det is eine makeleer dae de haof van Piërre
Smeets wilt koupe. De makeleer wilt Piërre, door dees ongelökke, onger druk zitte.
Gelökkig laote Sjang en Driek (de zoon van Piërre) én zien verloofde Truusje zich neet gek maake
door sjpooke en kömp op ut inj veur Piërre alles weer good……

Regie: Tilly Agouzoul
auteur: J. Exler
Origineel: