Good geregel 2013

“Good geregeld” sjpeelt zich deils aaf in ut hoes van familie Verbeek en deils in ut appartement van Rolf Scheepers.
Emile en Ida Verbeek zeen de trotse eljers van twee dochters.
Dochter Lucy is net getrouwd en op huwelijksreis mit ziene miensj, de filosoof Dr. Rolf Scheepers.
Dochter Sanne wirk in ut bedrief van ziene pap, eine hanjeleer in vusjmael en lienkeuk.
Sanne vingk zien leefde in eine gooie klantj, Marc Wolters, mer dae haet bliekbaar auch nog ein relatie mit ein cabaretzangeres.
Es Emile dit heurt wilt hae dit probleempje waal effe oplosse, mer ongertusje is zien anger dochter eeder truuk gekomme van de huwelijksreis en zo kömp hae in ein aantal benarde komische situaties terech.
Of alles oeteindelik good geregeld waerd …?

Regie: Tilly Agouzoul
auteur: F. Arnold/ E. Bach
Origineel: Voor hete vuren
uitvoering december 2013

MEUGELIK IS ALLES 2013

Teun van Kruchten, oud hoofdransjeerder biej de NS, is pas gepensioneerd en haet meujte om zien vrieje tied door te komme. Hae leus inne gezit det d’r in ut dörp is ingebraoke biej juwelier Meijers en veult zich gerope om veur detective te sjpele. D’r is namelik door de verzekering ein beloning oetgeloof veur de goude tip!
Zien vrouw Greet is neet bliej mit ut sjpeurwerk van heure miensj en is bang veur probleme inne familie en nuujsjierige buurvrouw Lieske. Mèr Teun trik zich dao nieks van aan en wirk zich daodoor flink inne neste. Hae jeug zien vrouw, zien dochter Sjan , sjoonzoon Jan en de sjoonfamilie Gertrud en Keub Kersenmakers in ut harnas. Dan zeen d’r auch nog pliessiecommissaris Peijnenburg en de verzekeringsdetective Bep Visschers die zo heur twiefels höbbe. Wen dan auch nog de papegaai Alexander zich d’r mit geut bemeuje, mot Teun zich hiej oet zeen te redde.
Mer ja ……. meugelik is alles!

Regie: Tilly Agouzoul
auteur: 
Origineel: 
uitvoering april 2013

Nieks veur nieks 2011

Kastelein Lei Beckers haet d’r alle meutje mit om ziene kop baove water te hawte in zien verloederd kefee “D’n Hook”. Det is gedeiltelik de sjuldj van de burgemeister en anger hooggeplaatste luuj oet et dörp. Posbode Sjang hèlt d’r ein eigenaardige maneer van posbezorge op nao allein mèr om ziene biste vrundj Lei te helpe. Mit behulp van eine vervalsjte breef en eine dubieuze gedeputeerde, zitte ze ein komedie op touw wo-aan Lei oeteindelik ut biste kefee van Postert aan euver hilt…!

Regie: Cor Bastiaans
auteur: Bernd Gombold/Hub Fober
Origineel:
uitvoering december 2011

NONGELöKSKE 2010

Ut klooster van moeder overste en de zusters Lucretia, Canisia en Gemma is in grote geldjnood. Ut zuut d’r nao oet det binne inkele maondje ut klooster failliet zal gaon. Aartsbisjop Wijsen, dae jidder jaor ein waekske in ut klooster kömp oetruste, is dan auch van plan om ut klooster te verkoupe. D’r zeen zelfs planne om van ut klooster ein casino te make en de zusters örges angers te plaatse.
De biechtvader en vrundj van de zusters, pesjtoer Lucassen, kan taege dees planne nieks inbringe en griep vervolgens mer weer nao de miswien. Dan kömp opins Guus Jongeneel oftewaal meneer BIL van Building Investments Limitted. Eine flokkere en kordate miensj dae grootse planne haet mit ut klooster. Es Rianne ut klooster invluch omdet ut achtervolg waerd door eine groep drugsdealers, geit alles heel sjnel: planne om ut klooster te redde waere oetgewirk.
Es monseigneur Wijsen dan opins weer ein bezeuk wilt bringe aan ut klooster dreigt alles mis te gaon. Of ….. toch nog ein redding?

Regie: Cor Bastiaans
auteur: Davids, T.
Origineel: Zusters in Zaken
uitvoering december 2010

DE AOVEND VAN DE 7E JULI 2009

Ein kat in nood maak gekke sjprung … eine man in nood auch!
Kiek bieveurbeeld nao notaris Martin Teeuwen.
Es dae op eine daag ein alibi neudig haet veur de aovend van de zevende juli, bewaert hae det d’r dae aovend in ut gezelsjap van ziene vrundj Harry (eine advokaot) haet doorgebrach. Dae mysterieuze Harry bliek echter mit vekansie te zeen. En dan kömp Martin toet ziene gekke sjprunk.
Om alle achterdoch biej zien vrouw weg te nömme, bombardeert hae eine, veur tiedelik aangenomme, hoesknech toet ziene ‘vrundj Harry”. Helaas is deze hoesknech eine onhènjige vent, dae de ein sjtommiteit nao de anger op ein sjtapelt. En dan kömp dae echte Harry opdage, dae noodgedwonge, de rol van hoesknech krieg opgelag. En dan die sjtom teun die dae oethaolt…..!

Regie: Cor Bastiaans
auteur: Gerard van Dijk
Origineel: De avond van de zevende juli
uitvoering december 20109

EIN SJOON-DOCHTER 2008

(Ein kluch in 3 bedrieve)

De heer des huizes, Sef Driessen, haet zich ein zeer originele sjmoes bedach om de drankraekening in ut plaatselikke café te kinne betale. Ziene bèste vrundj Piërre proffeteerd daovan mit. Mia, de vrouw van Sef, dink aevel det Piërre die pilskes betaald…..

Mia bedink zich ein grote verrassing veur Sef ziene 50e verjaordaag. Dees verrassing haet te make mit de al eerder geneumde sjmoes!

Sef en Mia höbbe ein kindj, Theo. Of ……… zeen d’r nog meer kinjer in ut sjpel?

De bazige vrouw van Piërre wil sjnel ein huwelik regele en de dörpsposbode haet auch eindelik ein vriendinnetje.

Ut veurgaonde klink heel ingewikkeld mèr ut zeen dé ingrediënte veur eine heerlikke toneelaovend!

Regie: Cor Bastiaans
auteur: nog onbekend
Origineel: nog onbekend
Uitvoering: december 2008

DE BOKSKAMPIOEN 2007

(Ein kluch in 3 bedrieve)

Ut verhaol is zo simpel es get………..
De ziepnaatfabrikant Frederik Geelen krieg heim probleme.
Zien zogenaamde boks-oetsjtèpkes veur ein gooj condisie, same mit ziene koempel Schmitz, die d’r spesjaal op touw haet gezat om ein aangenamer laeve te geneete, dreige fout aaf te loupe.
De verwarring waerd kompleet es d’r daobiej auch nog ins op mot drejje veur de oetsjpattinge van zien zoon………..

Regie: Cor Bastiaans
auteur: Otto Schwartz en Carl Mathern
Origineel: DER MEISTERBOXER
IMDB: Der Meisterboxer 1961
uitvoering december 2008

BIEJ OOS AAN DE GRENS 2006

(Ein kluch in 3 bedrieve)

Ut sjtuk sjpeelt zich aaf in ut begin van de 60’er jaore wo Wim Verschuure de stationsschef is van ut grensdörp Postert. De lètste tied raak d’r sjteeds meer euver zien toere, want op de ein of anger maneer waere d’r via zien sjtasie illegale wirkluuj euver de grens gesjmoekeld. De nuuje burgemeister zit um flink onger druk om hiej ein einde aan te make.

Gelukkig ontpop de stationsschef zich wie ein echte Sherlock Holmes, dae gein middel oet de waeg geit om achter de waorheid te komme. Waem is dae miense-sjmoekeleer van Postert? Is ut die zjwerfster die ilke nach oppe sjtasie sjleup? Of wit zangeres Annelies Vonk d’r meer van aaf? En, sinds wanneer komme d’r toeriste nao Postert? En dae conducteur, Karel Donker, haet ziene naam en uuterlik auch al neet mit……….

Al mit al een sjoon ouwerwetse kluch.

Regie: Cor Verstraelen
Auteur: Stef Hudepohl
Origineel: Bij ons aan de grens
Muziek: Ger Roncken en Angelique Ohlenforst
Uitvoering: december 2006

VEER KRIEGE BEZEUK 2005

Zomaar eine zomerse morge bie de villa van Freule Bep Dillenburg De La Montagne……. De pos is net gewaes en alles geit angers oetzeen es Bep de breef van Tante Lies leus.
Tant Lies kömp nao twintig jaor op bezoek vanoet Nieuw-Zeeland. opins zuut Bep zich genoodzaak om eine miensj, eine butler en eine zoon aan te sjaffe. Wonjer baove wonjer luk um dit en zie wille ut sjpel waal mitsjpele, mer kin ut die mansluuj in toom hawte? Es dae nuuje echtgenoot zien plichte get te seriejeus naokömp en es dae butler duudelik eine angere horeca-achtergrondj haet, dan krieg Bep ut beheurlik benauwd. An, heur dochter, kömp mit ein oplossing. Die tant mot weg. Ut leefste weer zo sjnel meugelik truuk nao Nieuw-Zeeland. Mer of det plannetje van An sjlaag …………?

Regie: Cor Verstraelen
Auteur: 
Origineel: 

HOES TE KOUP 2004

Annabel en Fred beheure toet de erme adel. Ze zolle heur landjhoes motte verkoupe om raekeninge te betale. Ut hoes is intusje gans opgeknap, behalve de bibliotheek. Dees is ut domein gewaes van de ome van Annabel dae 25 jaor geleje op ein mysterieuze maneer is verdwene. Eine excentrieke makeleer geit de verkoup begeleide same mit zien fotografe. Mer wen eine sjnelle zakeman same mit zien vriendin mit ziene auto sjtrandt, bliek det hae de makeleer en de fotografe kint en zie hem! Mer of ze dao bliej mit zeen?

Regie: Cor Verstraelen
Auteur: 
Origineel: